Yasamalda Gürcüstan vətəndaşı bıçaqlandı

Bakının Yasamal rayonunda bıçaqlanma hadisəsi baş verib.

Teleqraf.com xəbər verir ki, hadisə rayonun Şıxəli Qurbanov küçəsi 6 ünvanındakı binanın qarşısında qeydə alınıb.

Həmin ünvanda Gürcüstan vətəndaşı, 1985-ciil təvəllüdlü Kamran Nəsibov bıçaqlanıb. O, bıçaq xəsarəti ilə xəstəxanaya çatdırılıb. Vaxtında tibbi yardım göstərildiyi üçün onun həyatını xilas etmək mümkün olub.

Cinayəti törədən şəxs və ya şəxslərin müəyyən edilərək məsuliyyətə cəlb edilməsi istiqamətində əməliyyat tədbirləri görülür.

Faktla bağlı Yasamal Rayon Polis İdarəsində Cinayət Məcəlləsinin 126.1-ci (sağlamlığa xəsarət yetirmə) maddəsi ilə cinayət işi başlanıb.

Hacı Zeynalov