Sabunçuda dələduzluq edən keçmiş məhkum tutuldu

Bakının Sabunçu rayonunda dələduzluq ittihamı ilə axtarışda olan şəxs məsuliyyətə cəlb edilib.

Teleqraf.com xəbər verir ki, keçirilən əməliyyat tədbirləri nəticəsində Cinayət Məcəlləsinin 178.3.2-ci (dələduzluq) maddəsi ilə axtarışda olan 1975-ci il təvəllüdlü Abdulrəhmanov Fərhad Nəsib oğlu yaşadığı Quba rayonun Atuc kəndində yaxalanıb. O, Sabunçu Rayon Polis İdarəsinin istintaq şöbəsinə təhvil verilib.

Qeyd edək ki, Fərhad Abdulrəhmanov bundan əvvəl Cinayət Məcəlləsinin 186-cı (özgənin əmlakını qəsdən məhv etmə və ya zədələmə), 233-cü (ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) və 315-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddələri ilə ittiham edilib. O, 2012-ci ilin martın 1-də Quba rayonunda baş verən hadisələr zamanı təqsirli bilinərək həbs edilmişdi.

Hacı Zeynalov