Bakıda gənc oğlan bıçaqlandı

Bakının Suraxanı rayonunda bıçaqlanma hadisəsi baş verib.

Teleqraf.com xəbər verir ki, hadisə rayonun Yeni Günəşli qəsəbəsi, S.Cəfərov küçəsi, ev 9 A ünvanında qeydə alınıb.

1988-ci il təvəllüdlü Yadigar Rüstəmov qarın nahiyəsindən bıçaqlanıb. O, xəsarətlə xəstəxanaya gətirilib. Vaxtında tibbi yardım göstərildiyi üçün onun həyatını xilas etmək mümkün olub. Həkim nəzarətində olan 28 yaşlı oğlanın vəziyyəti ağır olduğu üçün dindirmək mümkün olmayıb.

Suraxanı Rayon Polis İdarəsinin 33-cü polis bölməsi əməkdaşları tərəfindən keçirilən əməliyyat zamanı cinayətin Bakı şəhər sakini, 1990-cı il təvəllüdlü Elşən Bəndəliyev tərəfindən törədilməsi müəyyən edilib. O, həbs edilib.

Faktla bağlı Cinayət Məcəlləsinin 29,120.1-ci (qəsdən adam öldürməyə cəhd) maddələri ilə cinayət işi başlanıb.

Hacı Zeynalov