Avtomobillərdən oğurluq edən 4 nəfər həbs edildi

Goranboya rayonunda baş verən iki oğurluq cinayətinin üstü açılıb.

Teleqraf.com xəbər verir ki, Goranboy rayon polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində martın 5-də Xəyal Məmmədova və Məcid Tağıyevə məxsus avtomobillərdən akkumulyator oğurlamış Gəncə şəhər sakini Elmar Rzayev tutulub.

Bunda başqa, Gəncənin Nizami Rayon Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində martın 6-da Vüqar Nəbiyevə məxsus “KamAZ” markalı avtomobildən akkumulyator oğurlamış Gəncə şəhər sakinləri Nizami Zeynalov və Həsən Oktyabrski tutulublar.

Cəlilabad rayon polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində yanvarın 20-də Elçin Məmmədova məxsus “KamAZ” markalı avtomobildən akkumulyator oğurlamış şəhər sakini Zaur Soltanov saxlanılıb.

Hacı Zeynalov