Tovuzda məktəb yandı

Tovuzda məktəb binası yanıb.

Teleqraf.com Kəpəz TV-yə (Region TV) istinadən xəbər verir ki, saat 16:30-dan başlayaraq Tovuz rayonunun Alakol kəndində şəhid Nürəddin Sadıqov adına tam orta məktəbin binasında yanğın olub.

Sinif otaqları, idman zalı, kitabxana və digər tədris otaqları yanaraq yararsız hala düşüb.

Əraziyə Fövqəladə Hallar Nazirliyinin Yanğından Mühafizə Hissəsinin Tovuz rayon şöbəsinin 4 yanğınsöndürən avtomobili və 3 yanğınsöndürən tağımı cəlb edilib. Alovun qarşısı alınsa da, təhsil ocağına və digər yardımçı tikililərə ciddi ziyan dəyib.

Hadisə baş verən kimi məktəbdə olan müəllim və şagirdlər təxliyə ediliblər. Xəsarət alan olmayıb.

Yanğının elektrik naqillərində yaranan qısaqapanmadan qaynaqlandığı bildirilir.