Kəşfiyyatçı və qızını Rusiya zəhərləyib - Baş nazir açıqladı

Böyük Britaniyanın baş naziri Tereza Mey Rusiya Baş Kəşfiyyat İdarəsinin sabiq polkovniki Sergey Skripal və onun qızı Yuliyanın zəhərlənməsində Moskvanın əli olduğunu bildirib.

Teleqraf.com xəbər verir ki, Tereza May Rusiya Xarici Kəşfiyyat Xidmətinin keçmiş polkovniki Sergey Skripal və qızının Rusiyanın istehsal etdiyi hərbi xarakterli sinir iflicedici maddə ilə zəhərləndiyini bəyan edib.

Tereza May əlavə edib ki, Sergey və Yulia Skripalın ölümünə görə Rusiya məsuliyyət daşıyır: "Bu, Rusiyanın Böyük Britaniyaya qarşı məsuliyyətsiz hərəkətidir. İki gün ərzində Rusiya Skripalın işi üzrə izahat verməlidir".

Xatırladaq ki, Sergey Skripal və qızına qarşı sui-qəsd martın 5-də Solsberidə ticarət mərkəzində olub. Skripal 2010-cu ildə Böyük Britaniyada sığınacaq alıb.