Böyük Britaniyanın Düvr limanında duran gəmidə yanğın baş verib.
Teleqraf.com-un İngiltərə mətbuatına istinadən verdiyi xəbərə görə, hadisə zamanı 10 nəfər xəsarət alıb. Gəminin göyərtəsində 300 nəfərin olduğu bildirilir. Gəmi La-Manş boğazı ilə Fransa və Böyük Britaniya arasında hərəkət edir.
Xəsarət alanlardan 5 nəfər ekipaj üzvü, 5 nəfər isə sərnişin olub.
Şahidlərin sözlərinə görə, yanğın gəminin mühərrik şöbəsində baş verib.
Hadisənin başvermə səbəbi araşdırılır.