22 Mart 2015 23:15
365

Martın əvvəlindən etibarən Türkiyənin hüquq-mühafizə orqanlarının İstanbulun Atatürk və Sabiha Gökçen hava limanlarında keçirdiyi reydlərin nəticəsi açıqlanıb.


APA-nın Türkiyənin “Ajans 34” saytına istinadən verdiyi xəbərə görə, reydlər nəticəsində 17 ölkənin vətəndaşı olan 34 nəfərin İraq Şam İslam Dövləti (İŞİD) terror qruplaşmasına qoşulmaq istədiyi müəyyənləşib və buna görə onlar Türkiyədən deportasiya ediliblər.

Araşdırma nəticəsində məlum olub ki, Türkiyə ərazisindən keçməklə İŞİD-ə qoşulmaq istəyən 34 nəfərin əksəriyyəti Böyük Britaniya vətəndaşları olub. Deportasiya edilənlər arasında 3 və 4 yaşındakı 2 uşağıyla Türkiyədən keçməklə İŞİD-ə qoşulmaq istəyən Rusiya vətəndaşı 34 yaşlı E. Şodmonova da olub.


Deportasiya olunanlar arasında Fransa, Belçika, ABŞ, Suriya, İraq, Rusiya, Tacikistan, İsveç, Səudiyyə Ərəbistanı, İran, Liviya, Pakistan, Serbiya, Almaniya, Əfqanıstan, Somali, Çeçenistan və bir Azərbaycan vətəndaşı da var. Azərbaycanlının adı Rövşən Oruczadə kimi göstərilib.

Qeyd edək ki, ümumən İŞİD-ə qoşulmaq üçün Türkiyədən keçməklə Suriyaya getmək istəyənlərə liderliyi İspanyanın Barselona şəhəri ilə İsveçin paytaxtı Stokholmdan gələnlər edir.


Müəllif: