Şəkidə mikroavtobus aşdı: 17 yaralı/Adlar

Şəkidən Mingəçevirə gedən mikroavtobus qəzaya uğrayıb.

17:28

Bu gün Şəkidə baş verən yol-nəqliyyat hadisəsi nəticəsində 2 nəfər ağır kəllə-beyin travması alıb.

Şəki rayon Mərkəzi Xəstəxanasından Trend-ə verilən məlumata görə, mikroavtobusun aşması nəticəsində xəsarət alan 1932-ci il təvəllüdlü, Şəki rayon Sarıca kənd sakini Eyvazova Gülqələm İsabala qızı və Mingəçevir şəhər sakini, 1946-cı il təvəllüdlü Kərimova Şükufə Məcid qızı qapalı kəllə-beyin travması alıb. Ş.Kərimova ilkin tibbi yardım göstəriləndən sonra Mingəçevir şəhər Mərkəzi Xəstəxanasına göndərilib.

Hadisə nəticəsində xəsarət alan 15 nəfərə isə tibbi yardım göstərilib. Onların vəziyyəti normal olduğundan ambulator müayinəyə yazılaraq evə buraxılıb.

17:52

Xəsarət alanlar aşağıdakılardır:

Mustafayev Oxşar Şirin oğlu
Tomrazlı Şəhla Elçin qızı
İsmayılova Səlimə Binnət qızı
Babayev Mürvət Hacıbala oğlu
Hümbətov Rəsul Şahlar oğlu
Yusifova Şərqiyyə Ələddin qızı
Kərimov Sabit Əliş oğlu
Yusifova Ruhiyyə Ələddin qızı
Bayramov Zülfü Əlihüseyn oğlu
Əliyeva Ceyhunə İbrahim qızı
Mustafayeva Kifayət Fəxrəddin qızı
Mürşüdov Rakif Fərhad oğlu (sürücü)
Camalova Nərmin İmran qızı (2011-ci il təvəllüdlü)
Camalova Dərya İmran qızı (2010)
Bağırova Şahanə Etibar qızı (2012)

İlkin məlumata görə, qəzaya səbəb sürücünün idarəetməni itirməsi olub.

***

Hadisə bu gün saat 13.30 radələrində, Yevlax-Zaqatala-Gürcüstan yolunun 30-cu kilometrliyində, Şəki rayonunun Cəfərabad kəndi ərazisində qeydə alınıb.

Şəki rayon sakini, 1987-ci il təvəllüdlü Mürşüdov Raqif Fərhad oğlunun idarə etdiyi “Mercedes” markalı, 10 VR 843 dövlət nömrə nişanlı mikroavtobus idarəetmənin itməsi nəticəsində aşıb. Nəticədə iksi uşaq olmaqla, 17 nəfərin xəsarət aldığı bildirilir.

İlkin ehtimala görə, hadisəyə texniki nasazlıq səbəb olub.

Xəsarət alanların Şəki Mərkəzi Rayon Xəstəxanasına çatdırıldığı, iki nəfərin reanimasiya şöbəsinə yerləşdirildiyi bildirilir.

Faktla bağlı araşdırma aparılır. (apa.az)