“Yeni Akit” qəzetinin yayım direktoru öldürüldü

Türkiyədə “Yeni Akit” qəzetinin yayım direktoru Kadir Dəmirəl kürəkəni tərəfindən bıçaqla qətlə yetirilib.

Dəmirəl qızı Əsma Qərənfilin evində kürəkəni Cəmil Yavuz Qərənfillə mübahisə edib. Qayınatasını bıçaqlayan kürəkən daha sonra öz həyat yoldaşını da yaralayaraq hadisə yerindən qaçıb.

Əsma Qərənfil xəstəxanaya çatdırılıb. Onun durumu orta ağır kimi qiymətləndirilir.

Cəmil Yavuzun həbsi üçün əməliyyat-axtarış tədbirləri davam etdirilir.