Evdən 6 min manatlıq qızıl oğurlandı

Bakının Binəqədi rayonunda evdən oğurluq edilib.

Teleqraf.com xəbər verir ki, rayon ərazisindəki evlərdən birindən 6000 manat dəyərində qızıl əşyalar oğurlanıb.

Ev sahibi Binəqədi rayon Polis İdarəsinin 5-ci polis bölməsinə müraciət edib. Əməliyyat-axtarış tədbirləri nəticəsində oğurluğu törətməkdə şübhəli bilinən Bakı şəhər sakini Kamran Xələfov, Balakən rayon sakini Elmir Bayramov və Saatlı rayon sakini Nazim Bayraqdarov tutulublar.

Hacı Zeynalov