Bakı sakinini bıçaqlayan tutuldu

Bakının Xəzər rayonunda bıçaqlanma hadisəsi törədən şəxs həbs edilib.

Bu barədə Teleqraf.com-a Xəzər rayon Polis İdarəsindən məlumat verilib.

Məlumata görə, Xəzər rayon Polis İdarəsinin 2-ci polis bölməsi əməkdaşlarının keçirdikləri əməliyyat-axtarış tədbirləri nəticəsində Bakı şəhər sakini Bəxtiyar Əliyev tutulub.

Məlum olub ki, Bəxtiyar Əliyev bu ilin iyulun 9-da paytaxt sakini Rüstəm Əliyevi bıçaqlayıb. O, cinayəti törədəndən sonra hadisə yerindən qaçmışdı. Cinayət hadisəsi şəxsi münasibətlər zəminində baş verib.

Faktla bağlı Cinayət Məcəlləsinin 126.1-ci (qəsdən sağlamlığa ağır xəsarət yetirmə) maddəsi ilə cinayət işi başlanıb.

Hacı Zeynalov