2 avtomobil alışıb yandı

Ötən gecə iki yanğın hadisəsi qeydə alınıb.

Teleqraf.com-un Fövqəladə Hallar Nazirliyinin (FHN) saytına istinadən verdiyi xəbərə görə, Masallı rayonunda vətəndaşa məxsus "Chevrolet" markalı avtomobildə yanğın baş verib. Nəticədə avtomobilin mühərrik və salon hissəsi yanıb. Avtomobilin qalan hissəsi yanğından mühafizə olunub.

Sumqayıtda vətəndaşa məxsus “Mercedes” markalı minik avtomobili yol kənarındakı maneəyə çırpılması nəticəsində yanğınla nəticələnən yol-nəqliyyat hadisəsi baş verib. Yanğın nəticəsində avtomobilin mühərriki və salon hissəsi qismən yanıb. Avtomobilin qalan hissəsi yanğından mühafizə olunub.