Ustad aşığın səhhəti pisləşdi

Tanınmış aşıq Ədalət Nəsibovun səhhətində problem yaranıb.

Aşıq xəstəxanaya düşdüyünü, hazırda ev şəraitində həkim nəzarəti altında müalicə olunduğunu deyib: "Bikefəm, özümü yaxşı hiss eləmirəm. Bir neçə gündür xəstəxanalar gəzirəm. Boğazım bərk ağrıyırdı. Dərdimi bilən yox idi. Getdim özəl klinikaların birinə, analizlər verdim. Həkimlər dedi sənin boğazında heç nə yoxdu, problem mədəndədir. Oradan gəldim Klinik Xəstəxanaya. Mədəmə zond salıb yoxladılar, dava-dərman yazdılar. Dedilər xəstəxanada yatmalısan, razı olmadım. Evimi qoyub xəstəxanadamı yatacam? Dedim yazın verin dərmanlarımı, evimdə qəbul edim. Heç dərdimi demirlər. Deyirlər mədəndəndir, o da vurub boğazına".

Aşıq müalicə müddətinin üç ay çəkəcəyini deyib: "Bahalı dərmanlardı, hamısını zəhər kimi içirəm. Həkimlər gəlib yoxlayır. Görüm başıma nə gəlir".

Qeyd edək ki, aşıq ötən il əməliyyat olunub. /milli.az/