Bəhram: “Jurnalistin başını ona görə qırxdım ki…” - Video

Biz mərc eləməmişik, mərcdən söhbət gedə bilməz. Sadəcə Vüqar qardaşım niyyət elədi ki, “Qarabağ” futbol komandası qalib olsa, başını qırxdıracaq. Mən də söz verdim ki, ona bu niyyətini həyata keçirməkdə köməkçi olacam.

Təki “Qarabağ” udsun! Hamının gözlədiyi kimi bu qalibiyyət baş tutdu və biz hər ikimiz sözümüzə əməl elədik.

Teleqraf.com-un məlumatına görə, bu sözləri tanınmış aktyor Bəhram Bağırzadə jurnalist Vüqar Həsənovun başını mərcdə uduzduğuna görə keçəl qırxması ilə bağlı deyib.

O, bildirib ki, Vüqar Həsənov Çempionlar Liqasının "Qarabağ"-"Şerif" qarşılaşmasından öncə əhd elədi ki, komandamızın növbəti mərhələyə keçəcəyi halda saçını keçəl etdirəcək:
“Bir daha deyirəm. Bu onun şəxsi istəyi idi. “Qarabağ”ın qalibiyyətindən sonra mən şəxsən onun başını qırxdım”.

Qeyd edək ki, "Qarabağ" səfərdə Moldovanın "Şerif" klubunu 2:1 hesabı ilə məğlub edib.