“Qarabağın təbiəti” adlı sənədli film çəkildi - Rusca

“Sağlam İnkişaf və Maarifləndirmə” İctimai Birliyi (SİMİB) Azərbaycan Respublikasının Prezident yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə rus dilində “Qarabağın təbiəti və ekologiyası” sənədli filminin hazırlanması layihəsini başa çatdırıb.

Teleqraf.com xəbər verir ki, layihədə 1988-ci ildən başlayaraq, Ermənistanın Azərbaycan Respublikasının Dağlıq Qarabağ bölgəsi və onun ətraf rayonlarında apardığı terror və işğal hadisələrinin nəticəsində Qarabağın təbiətinə dəymiş ziyan haqqındadır. Həmçinin Qarabağın füsünkar təbiəti haqqında da filmdə geniş söhbət açılır.

Xatırladaq ki, ictimai birlik bundan əvvəl 3 dildə “Qarabağ abidələri”, “Qarabağ yaddaş” kitablarını, ingilis dilində “Qarabağın Xristian abidələri”, “Qafqazın konservatoriyası”, “Qarabağın mədəniyyət xəzinələri”, ingilis, rus dillərində “Azərbaycanın işğal olunmuş ərazilərində doğulan görkəmli şəxsiyyətlər” və ingilis və rus dillərində “Qarabağ müharibəsi: xronika (1988-94)” filmlərini hazırlayıb.