Rəqsanə “İntihar”a hazırlaşır

Müğənni Rəqsanə İsmayılova türkiyəli məşhur musiqiçi-bəstəkar və dicey Ozan Çolakoğlu ilə birgə “İntihar” adlı mahnının üzərində işləməyə başlayıb.

Teleqraf.com-un məlumatına görə, Rəqsanə Ozanla yeni mahnı üzərində çalışır. O, “İntihar” adlı mahnısı hazır olan kimi klip çəkməyi də planlaşdırır.

Qeyd edək ki, Ozan Çolakoğlu müğənni Gülşənin həyat yoldaşıdır. O, daha öncə azərbaycanlı müğənnilərdən Röya, Aygün Kazımova, türklərdən Tarkan, Mustafa Cecəli, Gülşən və başqa məşhurlarla da əməkdaşlıq edib.