Musiqili Teatr üç tamaşa göstərəcək - Festival

Dahi bəstəkar Üzeyir Hacıbəyliyə həsr edilmiş X Beynəlxalq Musiqi Festivalı çərçivəsində Azərbaycan Dövlət Musiqili Teatrı üç səhnə əsəri ilə çıxış edəcək.

Teatrın mətbuat xidmətindən Teleqraf.com-a verilən məlumata görə, sənət ocağı bu dəfə mötəbər tədbirə “O olmasın, bu olsun”, “Arşın mal alan” və böyük Hacıbəylilər nəslinin həyatından bəhs edən “Nuri-didə Ceyhun” tamaşaları ilə qatılacaq.

Ə.Lalayev bildirib ki, teatrı öz pərdələrini “O olmasın, bu olsun” komediyası ilə açacaq. Tamaşaçılar əsərdə Xalq artisti, “Şöhrət” ordenli, milyonların sevimli gülüş ustası Afaq Bəşirqızını (Sənəm) və Əməkdar artist, “Zirvə” mükafatı laureatı Şövqi Hüseynovu (Məşədi İbad) görəcəklər. Sentyabrın 22-də saat 19:00-da “Arşın mal alan” operettası, ertəsi gün saat 19:00-da isə “Nuri-didə Ceyhun” (Əli Əmirli) tamaşası ilə teatrsevərlərin görüşünə gələcəyik.