Yuğun bir nəfəslik mərifət oyunu: "FƏNA" ilə yola davam...

Bu gün saat 19:00 da Yuğ Dövlət Teatrında yazıçı Orxan Fikrətoğlunun “İtki” və bir neçə hekayəsi əsasında hazırlanan “FƏNA” tamaşası nümayiş olunacaq.

Teleqraf.com xəbər verir ki, tamaşanı səhnələşdirən, quruluşçu rejissor Mir Sahib Ağazadədir.

Rəssamı əməkdar rəssam Rəşid Şərifin olduğu tamaşanın musiqi tərtibatı - Mir Sahib Ağazadə, İffət Əsgərov və Amid Qasımova məxsusdur.

Tamaşada aktyorlar Qasım Nağı, Natəvan Qeybani, Oktay Mehtiyev və Novruz Novruzlu iştirak edirlər.

Janrı "bir nəfəslik mərifət oyunu" kimi təqdim olunan tamaşada Türkiyənin məhşur dj-i, rok-caz musiqisi ilə mistik-irfani musiqiləri sintez edən Mərcan Dədənin musiqilərindən istifadə olunub.

Tamaşanın xronometrajı 1 saatdır. Biletlər “Kukla” teatrının kassasında satılır.