Hitlerin əsəri 161 min dollara satıldı

Almaniyanın Nyünberq Hərrac Evi 1914-cü ildə Adolf Hitler tərəfindən çəkilən Münhen ratuşa binasının rəsmini 161 min dollara satıb.

Teleqraf.com-un “BBC”-yə istinadən verdiyi xəbərə görə, hərracın təşkilatçıları rəsm əsərinin Yaxın Şərqdən olan və adının açıqlanmasını istəməyən şəxsə satıldığını bildiriblər.

Qeyd edək ki, rəsm əsəri satışa Almaniyadan olan iki yaşlı bacı tərəfindən çıxarılıb. Əldə olunan məbləğin 10 faizinin xeyriyyə tədbirlərinə yönəldiləcəyi bildirilir.