Azərbaycan əsilli türk aktrisa ilk onluqda - Foto

Dünya üzrə məlumat bazası olaraq xarakterizə edilən IMDb tərəfindən hazırlanan siyahıda ən məşhur türk aktyor və aktrisalar bəlli olub.

Teleqraf.com Türkiyə mətbuatına istinadla xəbər verir ki, siyahıya Esra Bilgiç başçılıq edir.

“Bir ümid yetər”, “Ramo” və nəhayət “Qanunsuz torpaqlar” serialında rol alan Esra Bilgiç son illər istedadı, gözəlliyi və xaricdə böyük izləyici kütləsinə malik olması ilə daim gündəmdə qalıb.

İkinci yerdə son olaraq “Vəfasız” serialı ilə tamaşaçı qarşısına çıxan Cansu Dərə qərarlaşıb. “Ezel” serialı ilə daha da məşhurlaşan, həmçinin xaricdə çəkildiyi seriallar sayəsində aktrisa geniş pərəstişkar kütləsinə sahibdir.

Siyahının üçüncü pilləsində qərarlaşan Can Yaman siyahıdakı enişi ilə diqqət çəkib. İki ilə yaxındır ki, karyerasını İtaliyada davam etdirən aktyor son olaraq “Viola come il mare” serialı ilə italyan tamaşaçılarının qarşısına çıxıb. Aktyor hazırda “Disney Plus”da yayımlanacaq “El Turco” serialına hazırlaşır.

IMDb-nin onluğunda yer alan adlar içərisində Azərbaycan əsilli türk aktrisa Şəbnəm Hassanisugi də var. O, siyahıda dördüncü sırada qərarlaşır.

“Bana artık Hicran De”, “Tatar Ramazan”, “Kayıp şehir”, “Firar”, “Kılıç Günü”, “Dantel”, “Poryaz Karayel” seriallarında rol alan Şəbnəm Hassanisoughi 1985-ci ildə İstanbulda doğulub.

Atası cənubi azərbaycanlı vəkil olan Şəbnəmin soyadının qəribəliyi elə bu səbəbdəndir. Şəbnəm ilk dəfə təndiqçilərin diqqətini “Qızıl Portağal” Antalya Film festivalının ən yaxşılarından biri olan “Geriyə qalan” filmində təsirli oyunu ilə çəkib.

Onluqdakı digər sıralama bu cürdür: Engin Akyürek, Gülçin Santırcıoğlu, Tuba Büyüküstün, Afra Saraçoğlu, Engin Günaydın, Hande Erçel.