"Namizədliyimi irəli sürəcəm, başqaları isə..." - Anar Rzayev

“Sabah Azərbaycan Yazıçılar Birliyinin sədrliyinə namizədliyimi irəli sürəcəm. Başqa namizədlərin isə olub-olmadığını bilmirəm. Bu, qurultay zamanı dəqiqləşəcək”.

Bunu Teleqraf.com-a açıqlamasında Azərbaycan Yazıçılar Birliyinin sədri Anar Rzayev deyib.

O bildirib ki, qurultay sabah saat 11:00-da başlayıb gün ərzində davam edəcək.

“Bu il qurultayda dəvətimizlə bir çox ölkələrdən: Türkiyə, Rusiya, Litva, İsrail, o cümlədən Pakistan, Gürcüstan, Almaniya və digərlərindən 20-dən çox qonaq iştirak edəcək. Qonaqlarımız artıq gəlməyə başlayıblar. Gün ərzində müxtəlif saatlarda Bakıda olacaqlar. Sabah onların hamısını qurultayda görə biləcəksiniz”.

Qeyd edək ki, Azərbaycan Yazıçılar Birliyinin (AYB) XIII Qurultayı oktyabrın 26-da Azərbaycan Dövlət Akademik Milli Dram Teatrında keçiriləcək.