Xalq artisti küsülü olduğu həmkarlarından danışdı

“Küsülü olduğum həmkarlarımla da tərəf müqabil olub, səhnə paylaşmışam. O qədər olub ki...”

Bunu Teleqraf.com-a açıqlamasında Xalq artisti, “M Teatrı”n təsisçisi Vidadi Həsənov deyib.

Onun sözlərinə görə, insanların küsülü olması onların işinə təsir etməməlidir: “Həyatdır, evdə də, işdə də yaxınlığımızdakı insanlardan küsə bilərik. Bunun işə aiddiyyəti yoxdur. Ümumiyyətlə, sənətçi dostlarıma böyük hörmətim var. Hətta ünsiyyətdə olmadıqlarıma da hörmətlə yanaşıram. Ola bilər, insan kimi bəyənmirəm, amma onu büruzə vermirəm. Səhnədə sevmək lazımdırsa zəhləm getdiyim adamı da sevə bilərəm”.