10 Fevral 21:58
1 577
12 Punto 14 Punto 16 Punto 18 Punto

Hollivud aktrisası Marqo Robbi Avstraliya Kino və Televiziya Sənəti Akademiyasında bir neçə mükafat alıb.

Teleqraf.com xəbər verir ki, bu barədə akademiyanın rəsmi saytında məlumat verilir.

Aktrisanın oynadığı "Barbi" filmi "Beynəlxalq film" kateqoriyasında mükafatlandırıldı. Robbi "Ən yaxşı film" və "Ən yaxşı aktrisa" və Rayan Qoslinq "Ən yaxşı köməkçi aktyor" nominasiyalarında qalib gəldi.

O, həmçinin istehsal şirkəti "LuckyChap" sayəsində həm kamera önündə, həm də arxasında əldə etdiyi nailiyyətlərə görə "2024-cü ilin İnnovatoru" mükafatını aldı.

Yanvarın 23-də Kino Sənəti və Elmləri Akademiyası martın 10-da keçiriləcək 96-cı Oskar Mükafatlarına namizədləri açıqlayıb. Film sənayesində dissonansa səbəb olan siyahıda Marqo Robbi yox idi.

Rayan Qoslinqin sözlərinə görə, o, filmdə ən yaxşı ikinci plan aktyoru nominasiyasına namizəd olmaqdan şərəf duyur. Bununla belə, aktyor Amerika Kino Sənəti və Elmləri Akademiyasının Marqo Robbi və Qreta Qerviqin töhfələrini qiymətləndirməməsindən məyusdur.


Müəllif: Pərvin Cəfərova