Ceyhun Mirzəyevin yubiley tədbiri olacaq

Aprel ayının 29-da Dövlət Film Fondunda Azərbaycanın görkəmli kinorejissoru və aktyoru Ceyhun Mirzəyevin 70 illik yubiley tədbiri keçiriləcək.

Film Fondundan Teleqraf.com-a verilən məlumata görə, tədbirdə sənətkarın yaxınları, dostları iştirak edəcək, onunla bağlı xatirələrini bölüşəcəklər.

Tədbir Azərbaycan Respublikası Mədəniyyət və Turizm Nazirliyi, Dövlət Film Fondu, Azərbaycan Respublikası Kinematoqrafçılar İttifaqı və "Azərbaycanfilm" kinostudiyasının təşkilati dəstəyi ilə keçiriləcək.

Ceyhun Mirzəyev 9 aprel 1946-cı ildə Ağdam rayonunun Abdal-Gülablı kəndində anadan olub. Azərbaycan Dövlət İncəsənət İnstitutunun rejissorluq fakültəsini bitirib. Moskvada da təhsil alıb. Kinostudiyada müxtəlif vəzifələrdə çalışıb, "Mozalan"ın bədii rəhbəri olub.

Müxtəlif filmlərə aktyor kimi çəkilib və rejissorluq edib. Son çəkdiyi film "Fəryad" olub. Ceyhun Mirzəyev 1993-cü ildə vəfat edib.

Nərmin