Ermənistanda Rusiya hərbçisi itkin düşdü

Dmitriy Loşmanov aprelin 16-da alış-veriş üçün hərbi hissəni tərk etmiş və bir daha geri qayıtmayıb

Ermənistanda Rusiya hərbçisi itkin düşüb.

Teleqraf.com Rusiya mediasına istinadən xəbər verir ki, Rusiyanın Gümrüdəki 102-ci hərbi bazasının hərbçisinin itkin düşdüyü barədə məlumat yayılıb.

Məlumata görə, əsgər Dmitriy Loşmanov aprelin 16-da alış-veriş üçün hərbi hissəni tərk etmiş və bir daha geri qayıtmayıb.

Qeyd edək ki, müqavilə əsasında xidmət çəkən D. Loşmanov ümumi yataqxanada yaşayıb. Hazırda onun barəsində axtarış elan edilib.