Nəticələr bilindi: Makron qalib gəldi

Fransada prezidentliyə namizədlər "İrəli" hərəkatının rəhbəri Emanuel Makron ilə Milli Şura Partiyasının lideri Marin Le Pen arasında sonuncu debat baş tutub.

Teleqraf.com xarici mediaya istinadla xəbər verir ki, dialoqun böyük hissəsi ittihamlarla yadda qalıb.

Marin Le Pen rəqibini idarəedilməz qloballaşdırmada, qərarsızlıqda, iqtisadiyyatın talan edilməsində və ölkəni parçalamaqda ittiham edib.

Makron isə "Milli Şura"nın liderini yalan danışmaqda və debatdan yayınmaqda günahlandırıb.

Teledebatın nəticələri ilə bağlı keçirilən sorğuda Makron qalib gəlib.

Qeyd edək ki, aprelin 23-də ölkədə baş tutan prezident seçkilərinin ilk turunun nəticələrinə əsasən, Makron 24,01 faiz, Le Pen isə 21,3 faiz səs toplayıb. Seçkilərin ikinci tutur mayın 7-də baş tutacaq.

Samir