Tramp: Onlar zibilxana jurnalistləridir - Foto

ABŞ Prezidenti Donald Tramp yenə CNN telekanalı ilə kəllə-kəlləyə gəlib.

Teleqraf.com xəbər verir ki, Tramp yalan xəbərlər yazdıqlarına görə CNN-in jurnalistlərini zibil, gördükləri işi isə “zibilxana jurnalistikası” adlandırıb. O, bu barədə öz tvitter hesabında da yazıb:

“CNN-in yalan xəbər yayan və “zibilxana jurnalistikası” ilə məşğul olan KİV kimi qələmə verilməsini görmək mənim üçün xoş oldu”.

Qeyd edək ki, iyunun 22-də CNN Rusiyanın İnvestisiya Fondu ilə amerikalı maliyyəçi Entoni Skaramuççinin görüşməsi barədə xəbər vermiş, bu xəbərdə Skaramuççinin RİF-in nümayəndəsi Dmitriyevə anti-Rusiya sanksiyalarını yumşaldacağı ilə bağlı ümid verib- vermədiyi barədə ABŞ-ın hüquqi araşdırma aparmağa başladığını yazmışdı. Lakin az sonra Rusiya bu xəbərin yalan olduğunu ifşa edərək, Trampın “yalançı jurnalistlər” barədə fikrini dəstəkləmişdi.

https://twitter.com/realDonaldTrump/status/881138485905772549?ref_src=twsrc%5Etfw&ref_url=http%3A%2F%2Fwww.vesti.ru%2Fdoc.html%3Fid%3D2905231