Astroloq: Tramp ya öldürüləcək, ya da...

Amerikalı astroloqlar ABŞ Prezidenti Donald Trampın axırının yaxında olduğunu bildiriblər.

Teleqraf.com xarici mediaya istinadla xəbər verir ki, astroloqlar Ueyd Keyvs və Mardcori Orr hazırkı ABŞ prezidentinin ya öldürüləcəyini, ya da istefaya göndəriləcəyini bildiriblər.

Onlar bunu avqust aylarında baş vermiş tarixi ay tutulmaları ilə izah ediblər. 1909, 1927, 1945, 1963, 1981 və 1999-cu illərin avqustunda ay tutulması zamanı bəzi hadisələr baş verib.

Bill Klintonun impiçmenti və Ronald Reyqanın qətlə yetirilməsi cəhdi, Con Kennedinin öldürülməsi, Xirosima və Naqasaki faciələri, Franklin Ruzveltin ölümü, Çikaqoda partlayışlı qarşıdurma və Ağ evin rəhbəri Uilyam Taftanın öldürülməsinə cəhd bu hadisələr sırasındadır.

Tramp özü Ay tutulması zamanı doğulub, bu isə onu qeyd olunan hadisəyə qarşı daha həssas edir.

Ay tutulması avqustun 21-də baş verəcək və Yerin peyki yalnız ABŞ üzərində yüzlərlə kilometr enində kölgə salacaq.

Tutulma iki dəqiqədən çox çəkməyəcək.