“Saakaşvili ilə bağlı Poroşenkonun xüsusi əmri var...”

Ukrayna Sərhəd Xidməti Gürcüstanın sabiq prezidenti Mixail Saakaşvilini ölkəyə buraxmayacaq.

Teleqraf.com xarici mediaya istinadla xəbər verir ki, bununla bağlı Kiyev hökumətinin rəsmi nümayəndəsi Vasili Servatyuk məlumat verib.

Onun sözlərinə görə, Saakaşvili tutulan kimi Ukrayna paspotru əlindən alınacaq:

“Bununla bağlı Ukrayna Prezidenti Petro Poroşenkonun xüsusi əmri var. Pasport alındıqdan sonra Saakaşviliyə arayış veriləcək”.

Qeyd edək ki, Mixail Saakaşvili iyulun 26-da ABŞ-da olarkən Ukrayna vətəndaşlığından çıxarılıb.