Rusiya ilə bağlı hərbi sirr yayıldı - Ölkə qarışdı

Finlandiya mətbuatı bu ölkənin kəşfiyyatının Rusiya hərbçilərini izləməsindən yazıb.

Teleqraf.com-un "RİA Novosti"yə istinadən xəbərinə görə, "Helsingin Sanomat" qəzetinin Tikkakoski şəhərindəki Kəşfiyyat İnstitutu haqqında "Finlandiyanın məxfi yeri" adlı məqaləsi ölkədə qalmaqala səbəb olub. Qəzet həmin institutun Rusiyanın keçmiş Leninqrad hərbi dairəsindəki Rusiya Silahlı Qüvvələrinin yerdəyişməsini izlədiyini yazıb.

Bu məqaləyə Finlandiya prezidenti və müdafiə naziri reaksiya verib. Faktla bağlı cinayət işi açılıb və jurnalistlərin məxfi məlumatı kimdən alması araşdırılır.