İranda 5 nəfər həbsxanada öldürüldü: İşgəncə ilə

Son iki həftədə paytaxt Tehranda və İranın digər şəhərlərində islam respublikası hakimiyyətinə qarşı keçirilən kütləvi xalq etirazlarında tutularaq zindanlarda işgəncələr altında öldürülənlərin sayı 5 nəfərə çatıb.

Teleqraf.com xarici mediaya istinadla xəbər verir ki, bu barədə İranda məşhur vəkil və hüquq müdafiəçisi kimi tanlnan Nəsrin Sütudə məlumat verib:

“Məndə olan məlumatlara görə, 22 yaşlı Sina Qənbəridən başqa, gənc aksiyaçılar, Möhsün Adili və Vəhid Heydəri Dezful və Ərak həbsxanalarında, adları hələlik bəlli olmayan 2 nəfər isə Tehranın Evin həbsxanasında naməlum səbəblərdən həyatlarını itiriblər. Hazırda məsələnin mahiyyətini araşdırmaqla məşğuluq”.

Qeyd edək ki, dekabrın 26-dan İranda hökumət əleyhinə başlanan aksiyalar zamanı 30-dan çox insan öldürülüb, 3700 nəfər saxlanılıb.