Ərdoğan, Putin və Ruhani görüşünün vaxtı bilindi

Türkiyə, Rusiya və İran prezidentlərinin Tehranda keçiriləcək zirvə görüşünün vaxtı məlum olub.

Teleqraf.com Türkiyə mətbuatına istinadla xəbər verir ki, Türkiyə Prezidenti Rəcəb Tayyib Ərdoğan, Rusiya Prezidenti Vladimir Putin və İran Prezidenti Həsən Ruhani arasında görüş sentyabrın 7-də baş tutacaq.

Zirvə görüşündə tərəflərin Suriya mövzusunda geniş müzakirələr aparacağı bildirilir.

İndiyədək Türkiyə, Rusiya və İran prezidentləri arasında üçtərəfli görüş Ankara və Soçidə baş tutub.