Suriyaya fosforlu bomba atılıb? - ABŞ-dan cavab

ABŞ Müdafiə Nazirliyi Suriya ərazisində fosforlu bombalardan istifadə etməyib.

Axar.az xəbər verir ki, bunu jurnalistlərə açıqlamasında ABŞ Müdafiə Nazirliyinin rəsmi nümayəndəsi Şon Robertson deyib.

“Biz hazırda ağ fosfordan istifadə ilə bağlı hansısa məlumat əldə etməmişik. Bizim bölgədəki hərbi birliklərimizdən heç biri fosforlu silahlara sahib deyil”, - o bildirib.

Qeyd edək ki, bundan öncə Rusiya Müdafiə Nazirliyi ABŞ-ın Suriyanın Deyr əz Zor vilayətinə fosforlu bombalar atması haqqında məlumat yaymışdı.