Bankın 30 kassasını soyaraq... - Film kimi ssenari

Fransanın paytaxtı Parisdə filmlərə ssenari ola biləcək bank soyğunçuluğu həyata keçirilib.

Teleqraf.com xəbər verir ki, hadisə dünyanın məşhur prospekti sayılan Champs-Elyees küçəsində baş verib.

Oğrular Fransanın Prezident sarayı yaxınlığında yerləşən Milleis bankından 30 kassanı soyaraq yoxa çıxıblar.

Səhər əməkdaşlar banka gələn zaman qapının girəcəyində “Bağlıdır” lövhəsini görüblər.

Növbədə qalan işçilər isə əlləri bağlı vəziyyətdə idi. Dörd oğru tərəfindən soyulan bankın əməkdaşları yalnız günortadan sonra polisə xəbər verə biliblər.

Qeybə çəkilən oğruları Paris polisi hələ də axtarır.

Məlumata görə, oğrular bankı soyan zaman bank əməkdaşlarından iki nəfəri yüngül xəsarət alıb.