Qar hava limanını iflic etdi - Yüzdən çox reys təxirə salındı

Tokioda yağan güclü qar hava limanlarının fəaliyyətini dayandırmasına səbəb olub.

Teleqraf.com xarici mediaya istinadla xəbər verir ki, güclü qar ölkə daxili və ölkə xaricinə planlaşdırılan 100-dən çox uçuşun təxirə salınmasına səbəb olub.

Qeyd edilir ki, bu gün səhər saat 05:00-dan güclənən qar Ciba bölgəsində Narita hava limanının fəaliyyətini iflic edib.

Əvvəlcə hava limanında qarın təmizlənməsinə başlanılıb, ancaq sonradan bunun mümkünsüz olduğu ortaya çıxıb. Bu səbəbdən də Yaponiya Hava Yollarına və “All Nippon” hava şirkətinə məxsus yüzdən çox uçuş təxirə salınıb.