Əfqanıstan qarışdı - 5 əsgər, 18 Taliban üzvü öldürüldü

Taliban hərəkatının fəalları Əfqanıstanın şimalındakı Faryab vilayətinin Kayser qəsəbəsində yerləşən hərbi hissəyə hücum edib.

Teleqraf.com xarici mediaya istinadla xəbər verir ki, hücum zamanı 5 əsgər öldürülüb, 2 əsgər yaralanıb.

Əfqanıstanın rəsmi qaynaqları isə bəyan edir ki, hücumdan sonra başlayan atışmalar zamanı 18 Taliban üzvü öldürülüb.

Hələlik Taliban Hərəkatı baş verən bu hadisəyə dair açıqlama yaymayıb.