Gözəllik rekordçusu "Mama Elza" vəfat etdi – Foto

Etdirdiyi plastik əməliyyatların sayına görə dünya rekordsmeni – ABŞ-da yaşayan 84 yaşlı Elza Patton vəfat edib.

Teleqraf.com xəbər verir ki, Elza Patton ailəsinin təmsilçisi mətbuat nümayəndələrinə ölüm səbəbini açıqlayıb:

“Bizim sevimli Elza Patton (Mama Elza kimi tanınır) bazar günü – Analar Günündə uzunmüddətli xəstəlikdən sonra dünyasını dəyişdi. Ailəsi və yaxın dostları onu tək qoymamışdılar.

Elzanın həyat yoldaşı Donald Patton 2018-ci ilin fevral ayında vəfat etmişdi. Onlar 50 il birgə yaşayıblar”.

Elza Patton 2011-ci ildən “Mayaminin real ev sahibəsi” populyar tele-şousunun iştirakçısı olmuşdu.

Həmin günlərdə etdirdiyi plastik əməliyyatın uğursuzluqla nəticələnməsinə baxmayaraq onun xarici görünüşün inanılmaz dərəcədə dəyişdirməsi səbəbindən plastik cərrahlara müraciət edənlərin sayı daha da artıb.