Pakistan ballistik raketini sınaqdan keçirdi

Pakistan gecə saatlarında uğurlu ballistik raket sınağı keçirdiyini elan edib.

Teleqraf.com xəbər verir ki, Pakistan ordusunun sözçüsü, general Asif Qafur bildirib ki, “Qəznəvi” adlı ballistik raket uğurla sınaqdan keçirilib.

General əlavə edib ki, raket 290 kilometrə qədər məsafədə qədər müxtəlif növ başlıqlar daşımaq qabiliyyətinə sahibdir.

Raketin sınağına dair görüntülər də Pakistan ordusu tərəfindən yayımlanıb. Bu Pakistanın 2019-cu ildə keçirdiyi üçüncü raket sınağıdır.

Xatırladaq ki, yanvarda raket sınaqları keçirən Pakistan may ayında nüvə başlığı daşıya biləcək 1500 kilometr mənzilli raketi sınaqdan keçirdiyini açıqlamışdı.