ABŞ-dan gözlənilməz açıqlama: "Türkiyə dəstək verəcək"

Türkiyəni İŞİD-ə qarşı mübarizəyə cəlb etmək istəyən ABŞ-dan gözlənilməz açıqlama gəlib.

Axar.az xəbər verir ki, Pentaqon Türkiyənin İŞİD-ə qarşı hərəkata dəstək verəcəyini bəyan edib.

Türkiyənin NATO müttəfiqi olduğunu xatırladan Pentaqon rəhbərliyi İŞİD-ə qarşı bu ölkədən dəstək alacaqlarını bildirib.

Pentaqon sözçüsü Con Kirbi Türkiyəyə özəl istəklə getmədiklərini, bu ölkənin NATO müttəfiqi olduğunu və Türkiyənin coğrafi baxımdan olsa belə, terrora qarşı mübarizədə ortaq olacağını deyib.