Londonda məscidin imamı bıçaqlandı

Londonda “Regents Park” ərazisində yerləşən London Mərkəzi Məscidinin imamı namaz qılarkən bıçaqlanıb.

Teleqraf.com xəbər verir ki, imama hücum edən şəxs namaz zamanı onun arxasında olub.

Cani 70 yaşlı imamın boyun nahiyəsindən bir neçə dəfə bıçaqlayıb. Polis imamın vəziyyətinin qənaətbəxş olduğunu və hadisənin terrorla əlaqədar olmadığını qeyd edib.

İmama hücum edən şəxs həbs edilib.