COVİD-19-la mübarizə aparan həkimlərə hücum edildi - Atışma davam edir.../Video

Əfqanıstanda COVİD-19-la mübarizə aparan Sərhədsiz Həkimlər Təşkilatının nümayəndələri silahlı hücuma məruz qalıb.

Teleqraf.com xəbər verir ki, həkimlərin Əfqanıstanın paytaxtı Kabildə işlədiyi xəstəxanaya hücum edilib.

“Röyter” agentliyi bildirib ki, həkimlərin işlədiyi bina boşaldılıb və hazırda terrorçularla atışma davam edir.

Qeyd edilib ki, Sərhədsiz Həkimlər Təşkilatına aid xəstəxanaya hücumun qarşısını təhlükəsizlik qüvvələri almağa çalışır.

Əfqanıstanın Səhiyyə naziri də hadisə yerinə gəlib.

Əfqanıstan Daxili İşlər Nazirliyi xəstəxanaya hücumu təsdiq edib. Hücum səbəbindən ölən və yaralananların olub-olmadığına dair açıqlama verilməyib.

Qeyd edək ki, terror hücumuna görə məsuliyyəti hələlik heç bir qruplaşma üzərinə götürməyib.