Türk hərbçilərinin Liviyadan ilk görüntüləri yayıldı - Xüsusi təyinatlılar

Türk Silahlı Qüvvələrinə aid hərbi mütəxəssislərdən ibarət qrup ilk dəfə Liviyada görüntülənib.

Teleqraf.com xəbər verir ki, Türkiyə Silahlı Qüvvələrinin müxtəlif birliklərinin xüsusi təyinatlıları Liviyada mülki əhalinin evinə qayıtması üçün paytaxt Tripoli ətrafından vurub çıxarılan Haftar ordusunun geri çəkilərkən basdırdığı partlayıcı maddə və minaları təmizləyir.

Liviyanın legitim hökuməti bəyan edib ki, Haftara bağlı qüvvələr geri çəkilərkən mülki əhalinin yaşadığı yerlərdə qurduğu partlayıcı maddələr səbəbindən 27 nəfər ölüb, 40 nəfər yaralanıb.