Ərdoğanın qızı haqqında əxlaqsız paylaşım - Saxlanıldı

Türkiyənin Xəzinə və Maliyyə naziri Berat Albayrak və ailəsi ilə bağlı sosial şəbəkədə əxlaqsız paylaşım edən E.B. saxlanılıb.

Teleqraf.com xəbər verir ki, 4-cü övladı dünyaya gələn Berat və Esra Albayrak cütlüyü yeni doğulan körpəsinə Həmzə Saleh adı verib.

Mersin şəhərində yaşayan E.B. bu xəbərdən sonra Tvitterdə bununla bağlı təhqiramiz paylaşım edib. İzləyicilər E.B.-yə sərt reaksiya göstəriblər. Kibercinayətkarlıqla Mübarizə Dairəsi əməkdaşları həmin şəxsi nəzarətə alıblar.

İstintaqı davam edən E.B.-nin işi sabah məhkəməyə göndəriləcək.

Qeyd edək ki, Berat Albayrak Türkiyə prezidenti Rəcəb Tayyib Ərdoğanın böyük qızının həyat yoldaşıdır.