Yeni gəlişmə: İsrail kəşfiyyatı açıqlamışdı – O ölkədən təkzib gəldi

İsrailin Birləşmiş Ərəb Əmirliklərindən (BƏƏ) sonra Sudanla normallaşma anlaşması imzalayacağı barədə Təl-Əvivdən verilən açıqlama təkzib olunub.

Teleqraf.com xəbər verir ki, Sudan Xarici İşlər Nazirliyinin sözçüsü Heydər Bədəvi İsrail tərəfinin bununla əlaqədar açıqlamasını təəccüblə qarşıladıqlarını deyib.

XİN-in rəsmi nümayəndəsi Sudanın bu məsələni İsraillə heç vaxt müzakirə etmədiyini, bu barədə aidiyyatı qurumlara təlimatın verilmədiyini bildirib:

“Sudan İsraillə əlaqələri bərpa etmək üçün ciddi səylər göstərdiyi barədə açıqlamanı təəccüblə qarşıladı”.

İsrail kəşfiyyatının rəhbəri Eli Koen BƏƏ-dən sonra Sudanın da yaxın günlərdə Təl-Əvivlə normallaşma sazişi imzalayacağını açıqlamışdı.