Rusiyaya sərt xəbərdarlıq: Qitələrarası raketlər işə salındı

ABŞ Hərbi Hava Qüvvələri Kaliforniyadakı Vandenberq bazasından Marşal Adalarına (Sakit Okean) doğru bir “LGM-30G Minuteman III” qitələrarası ballistik raketi atıb.

Teleqraf.com xəbər verir ki, bu barədə ABŞ mediası məlumat yayıb.

Məlumatda qeyd edilib ki, qitələrarası ballistik raketlər ABŞ və müttəfiqlərinə beynəlxalq qanun və qaydalara uyğun olaraq, hərəkət və naviqasiya azadlığını qlobal miqyasda qorumaq üçün lazımi çəkindirici gücü təmin edir.

“LGM-30G Minuteman III” raketlərinin bundan əvvəlki sınağı avqustun 4-də baş tutub. Sınaqların “Rusiyaya xəbərdarlıq” adı ilə həyata keçirildiyi bildirilib.

Raketlər üç döyüş başlığı ilə və “E-6B Mercury” təyyarəsindən atılıb.