İranda partlayış baş verdi

İranın cənubunda yerləşən Kirman əyalətinin Zarand şəhərində poladəritmə zavodunda partlayış baş verib, xəsarət alan yoxdur.

Teleqraf.com xəbər verir ki, bu barədə Al-Alam telekanalı məlumat yayıb.

Zavodda baş verən partlayışın yanğına səbəb olduğu bildirilir. Əyalətin qubernatoru hadisənin ərimiş materialların sızması nəticəsində baş verdiyini söyləyib.

Telekanal mənbələrinin verdiyi məlumata görə, yanğını nəzarət altına almaq mümkün olub, xəsarət alan yoxdur.