Qardaş ölkədə faciəvi gün: 36 nəfər öldü/Yeni

Pakistanda iki qatarın toqquşması nəticəsində həlak olanların sayı 36 nəfərə çatıb.

Teleqraf.com-un məlumatına görə, bu barədə “Samaa TV” telekanalı xilasedicilərə istinadən məlumat yayıb.

Məlumata görə, qəza zamanı 14 vaqon çevrilib. Eyni zamanda 8 vaqon tamamilə sıradan çıxıb.

Qeyd edək ki, hadisə ölkənin cənubunda qeydə alınıb. Sərnişin qatarları Sind əyalətində, Qotki rayonunda dəmiryol stansiyasında toqquşub.

* * *

08:15

Pakistanda baş verən qatar qəzasında ən azı 25 nəfər həyatını itirib.

Teleqraf.com xəbər verir ki, şəhərlər arasında hərəkət edən qatar Sindx ştatının Daxarki şəhəri yaxınlığında relsdən çıxıb.

Qatarın hərəkətdə olan başqa bir qatarla toqquşduğu bildirilib.

Aidiyyəti qurumlar ölü sayının arta biləcəyini açıqlayıblar.

Hadisə yerində xilasetmə işləri davam edir.