Putindən Baydenə etiraz: “Təyyarələriniz bu ölkələrdən keçməsin”

Rusiya Prezidenti Vladimir Putin Cenevrədə amerikalı həmkarı Co Baydenlə görüşdə Amerika hərbi qüvvələrinin Orta Asiyada olmasına etiraz edib.

Teleqraf.com xəbər verir ki, bu barədə “The Wall Street Journal” yazıb.

Nəşrin iddiasına görə, Rusiya liderinin tələbi ABŞ ordusunun dronlar və hərbi təyyarələrinin Əfqanıstanla həmsərhəd ölkələrdə yerləşdirməsinə maneə olub.

WSJ-nin məlumatına görə, Taliban Əfqanıstanda hakimiyyətə gəldikdən sonra vəziyyət daha da pisləşib.

Nəşr qeyd edib ki, ABŞ Hərbi Hava Qüvvələrini Putinin etirazı səbəbindən Tacikistan, Qırğızıstan və Özbəkistanın hava limanlarına giriş olmadan Bəsrə körfəzi ölkələrində yerləşdirməli olacaq:

“Bu, təyyarə və dronların Əfqanıstan ərazisinə uçuş müddətini əhəmiyyətli dərəcədə artırır və döyüş tapşırıqlarının effektivliyini azaldır”.