“Bayraktar” rus “Buk”unu darmadağın etdi – Video

Ukrayna Silahlı Qüvvələri Rusiyanın “Buk” zenit raket kompleksini “Bayraktar” zərbə pilotsuz uçan aparatı vasitəsilə məhv edib.

Teleqraf.com xəbər verir ki, sosial şəbəkədə rus texnikasına zərbə endirilməsi anının videosu yayımlanıb.

“Buk” zenit raket kompleksi aşağı və orta hündürlükdə hərəkət edən hədəfləri məhv eləmək üçün nəzərdə tutulub. Belə bir kompleksdən rus muzdluları 2014-cü ildə Donbas üzərində “Boeing MH17” sərnişin reysini vurublar.

Bundan əvvəl Ukrayna Silahlı Qüvvələri Hava Qüvvələri Komandanlığı Rusiyanın onlarla qanadlı və ballistik raketlərinin, 52 döyüş təyyarəsinin, 69 helikopter və digər kiçik hədəflərinin vurulduğunu bildirib.

.